P3.6m shabu, nakumpiska sa 3 tulak

Aabot sa P3.6M na halaga ng shabu ang nakumpiska sa tatlong umano’y tulak ng illegal na droga sa lungsod ng Naga nang maaresto ang mga ito sa ikinasang drug buy bust operation sa Diversion Road, Brgy. Concepcion Pequeña nitong Martes ng umaga.

Kinilala ang mga suspek na sina Benjamin Fernandez y Urbano, 35 anyos, ng San Francisco, Iriga City; Melrose Del Rosario at ang asawa nitong si Lolito Del Rosario, pawang residente ng Barangay Balatas, Naga City.

Pinangunahan ang operasyon ng City Intellegence Unit ng Naga City Police Office.