Lineup ng USA Men’s basketball team hindi pa kumpleto

HINDI pa kumpleto ang listahan ang USA Basketball Team na isasabak nila para sa FIBA World Cup 2023 na gaganapin sa Agosto dito sa Pilipinas, Japan at Indonesia.

Sinabi ni Team USA general manager Grant Hill, na may mga nakausap na siyang mga NBA players pero wala pang pinal na listahan kung sino ang maaring isama.

Isa rin na pinagpipilian nila ay maaring isama yung mga nakapaglaro na sa FIBA World Cup noong nakaraang pero ang prioridad aniya nila ngayon ay yung mga baguhan.

Aminado nito na isang malaking hamon ang pagbuo ng koponan lalo na at makakaharap nila ay ang mga malalakas na manlalaro mula sa iba’t-ibang bansa.

Sa buwan ng Abril ay gaganapin ang drawing bago ang torneo na magsisimula sa Agosto.

Bago aniya ang torneo ay may mga nakatakda ang koponan na exhibition sa ibang bansa.