9 na Pinoy boxers usad sa gold medals

DINOMINA ni Tokyo Olympics silver medalist Carlo Paalam si Edegar Foe Quintas Da Silva ng Timor Leste para makausad sa finals ng boxing competitions sa 32nd Southeast Asian Games Huwebes sa Chroy Changvar Center Hall sa Cambodia.

Si Paalam, 24, ay umiskor ng 5-0 victory sa semifinals ng kanilang bantamweight duel para matiyak ang silver medal.

Paul Julyfer Bascon pinatumba si Touch Davit ng Cambodia sa second round para makapasok sa men’s light welterweight finals at matiyak din ang silver.

Ang tanging Pinoy casualty ay si markus Cezar Tongco, na nabigo kay manh Cuong Nguyen ng Vietnam sa men’s heavyweight semifinals via referee stoppage, at magkasya sa bronze medal.

Siyam na Pinoy boxers ang sasabak para sa gold medals sa Sabado at Linggo.

Ang matitira ay flyweight Rogen ladon, featherweight Ian Clark Bautista, lightweight Norlan Petecio, at light heavy John Marvin, women’s featherweight Nesthy Petecio, lightweight Riza Pasuit at flyweight Irish Magno.