Rex Baculfo nagwagi sa “The Clash 2023!”

ITINANGHAL bilang Grand Champion ng “The Clash 2023” ang Simpatikong Bokalista mula Caloocan City na si Rex Baculfo.
Kamakalawa ng gabi (May 28) ipinalabas ang Grand Finals ng high-rating reality talent competition ng GMA Network. Nakalaban ni Rex sa ultimate bakbakan ang finalists na sina Arabelle dela Cruz, Liana Castillo, at Mariel Reyes.
Kinanta ni Rex sa “Matira ang Pinakamatibay” Round ang “Earth Song” ni Michael Jackson. Kasunod niyan, natira na lamang sila ni Arabelle sa final battle kung saan sila nag-perform ng kantang “Oras Ko ‘To” composed by ?Asia’s Romantic Balladeer Christian Bautista and arranged by The Clash musical director Marc Lopez.
Napili ng The Clash Panel ang version ni Rex kaya siya ang nagwagi sa “The Clash 2023!” Dahil diyan, nag-uwi si Rex ng P1-Million cash, exclusive contract under GMA, at brand new house and lot worth P3-Million from Camella.
Nakatanggap naman ng tig-P100,000 cash ang finalists na sina Arabelle, Liana, at Mariel.
Congratulations, Clashers!