Kris ‘di bilib sa LDR kaya nakipaghiwalay kay Vice Gov. Leviste; Kim nagreak sa pagpapakasal kay Xian

Ni ROMMEL PLACENTE

HINDI pa man nagtatagal ang relasyong Kris Aquino at Batangas Vice Governor Mark Leviste, hayan at hiwalay na pala sila.
Si Kris mismo ang nag-reveal nito sa pamamagitan ng kanyang social media account. Nakipaghiwalay siya kay Mark bago ito umuwi pabalik ng Pilipinas. Hindi raw kasi uubra ang kanilang long-distance relationship.
Sabi ni Kris,”This is a long overdue Gratitude post. Marc (yes it’s with a C) @markleviste is leaving to go home to fulfill his obligations to his Batangas constituents.
“Nobody i’ve ever been in a relationship with has ever given me as much love & encouragement.
“He wasn’t only my boyfriend, he became my best friend and confidante, talagang maaasahan.”
Sabay diin niya, “The usage of WAS is correct.”
Ilang linggo ring nagbakasyon si Mark sa U.S. para bisitahin at alagaan si Kris. Pero tila hindi naging sapat iyon para ipagpatuloy ang maganda nilang relasyon.
Paliwanag ni Kris, “I asked Marc for a pause because with my condition the way it is now, I’m self aware enough to know that a long distance relationship will be next to impossible for us to maintain.”
May mensahe rin si Kris para kay Mark.
“Thank you Marc for being here for me especially when my 2 ‘giants’ went home BUT our reality is that there’s a Pacific Ocean that divides us, a 15 hour time difference, and a 13 hour flight.
“You know how much i believe in you and the last thing i want is to be an obstacle in your career as a public servant.
“This isn’t just a line, you will always have a place in my heart,” madamdaming sulat ni Kris, published as is.
“We may not have had our ‘happily ever after’ but being sick has really taught me to look at the glass half full- thank you for giving me the chance to again experience the magic of Once Upon a Time. [yellow heart].”
***
BONGGA ang career ngayon ni Kim Chiu huh! Sunud-sunod ang dating ng mga proyekto sa kanya. Isa talaga siya sa maituturing na pinaka-bising aktres ngayon.
Bukod sa regular hosting stint niya sa noontime show ng ABS-CBN na It’s Showtime, napapanood din siya sa Prime Video series na Fit Check: Confessions of An Ukay Queen.
Bibida rin si Kim sa Kapamilya prime-time series na Linlang, kasama sina Paulo Avelino, JM de Guzman, at Maricel Soriano. Nakatakda itong ipalabas ngayon ding taon.
Nitong nakaraang July 3, 2023, inilunsad naman ang tsinitang aktres bilang brand ambassador ng isang food chain.
Siyempre pa, sobrang happy, at nagpapasalamat si Kim sa lahat ng blessings na kanyang natatanggap ngayong taon.
Aniya, “This year, I can say that this year is a blessed year for me. Ang daming nangyayari in the past two years during the pandemic.
“And ngayon, with mga offer, I’m just thankful that they’re giving their trust sa akin sa mga big projects na mga ganito.
At dahil maganda ang takbo ng kanyang career, hindi naman naiwasang matanong si Kim tungkol sa estado ng kanyang buhay pag-ibig.
Sa tanong kung handa na ba siyang mag-level up kung sakali sa kanilang relasyon ng boyfriend na si Xian Lim, sagot ni Kim, “Darating tayo diyan. Sabi ko nga, time management is the key…
“So, parang let’s do it in one day at a time, right time, right place.”