100 BuCor personnel sangkot sa pagpuslit ng kontrabando, sibak!

NASA 100 tauhan ng Bureau of Corrections (BuCor) ang tinanggal sa puwesto dahil sa pagpupuslit ng mga iligal na kontrabando sa New Bilibid Prison (NBP).

Ayon kay BuCor Director General Gregorio Catapang, 20 sa mga sinibak ay opisyal ng BuCor.
Sasailalim ang mga ito sa masusing imbestigasyon, aalamin ang pakikipagsabwatan sa mga Persons Deprived with Liberty (PDL).

Magugunitang nitong mga nakaraang linggo ay maraming kontrabando ang nakumpiska nang magsagawa ng ‘Oplan Galugad’ sa Bilibid si Catapang.