Commuters’ group sinita pag-sawsaw ng MBC sa desisyon ng Ombudsman, Gadon pinagtanggol si Martires

Pinulaan ng isang commuters’ group nitong Linggo ang pag-sawsaw ng Makati Business Club (MBC) sa mga desisyong inilabas ng Office of the Ombudsman.

‘Mind your own business’ ang ipinarating na mensahe ng Lawyers for Commuters Safety and Protection sa MBC matapos maglabas ang huli ng pahayag na pinarerekunsidera kay Office of the Ombudsman Chief Samuel Martires ang desisyon nitong pinatatanggal na sa serbisyo sina Manila International Airport Authority (MIAA) acting general manager Cesar Chiong at acting assistant general manager Irene Montalbo, dahil sa kasong ‘grave abuse of authority’.

“The Makati Business Club has no personality to the case,” paliwanag ni Atty. Ariel Inton namumuno sa Lawyers for Commuters Safety and Protection.

Tanging sina Chiong at Montalbo lamang, ayon kay Inton ang maaaring umapela kay Ombudsman Martires sa pamamagitan ng paghahain ng Motion for Reconsideration.

Matatandaang ang Office of the Ombudsman ay naglabas ng desisyong aprubado ni Martires na sina Chiong at Montalbo ay napatunayang ‘guilty of grave misconduct and abuse of authority’ sa ginawang reassignments ng mga ito sa mahigit na 300 empleyado ng MIAA.

Pinuna rin ni Inton ang malambot at malamyang pamamahala ni Transportation Secretary Jaime Bautista sa ahensiya kaya nangyayari ang mga gaya nang ginawa nila Chiong.

Ang pagpapatakbo raw sa DoTr ngayon ay maihahambing sa “hinalong kalamay” at kailangan ng ‘kamay na bakal’ para tumino.

Sinabi rin ng grupo ni Inton na ang mga gaya nila Thomas “Tim” Orbos, na naging General Manager ng Metropolitan Manila Development Authority at Undersecretary for Road Transport and Infrastructure ng Department of Transportation noong panahon ng Duterte administration; at maging sina dating Party-list Congressmen Jonathan A. dela Cruz at Jess Manalo (Angkla Party-list) ang mga maaaring pumalit Kay Bautista.

Samantala, naghayag naman ng pagsuporta kay Martires si Presidential Adviser on Poverty Alleviation Sec. Larry Gadon, sa desisyon nito sa kaso nila Chiong pati na si dating Procurement Service of the Department of Budget and Management (PS-DBM) head Lloyd Christopher Lao.

“I know that OMB Martires is apolitical as his decisions are based on the merits , facts and evidence and beyond personal biases,” ang sabi ng Kalihim.

Idiniin pa niya, na ang desisyon ng Ombudsman na tanggalin na sa serbisyo ang mga gaya ni Chiong ay di lamang binase sa asoetong kriminal, kund di sa kapabayaan ng opisyal na nagbunga ng malaking kasiraan sa pamahalaan.

“It may be based also on incompetence or acts of omissions the effect of which resulted to irreparable damage to the public and the government . So even if the official is not criminally charged nor proven guilty as yet , the official may still be removed for utter lack of competence or lack of responsibility and due diligence on performing his functions . More so if the acts or omissions have inflicted great damage to the public,” paliwanag ni Gadon.

“OMB Martires does not look at personalities but more on the issues and acts that are proven by mere preponderance of evidence,” dagdag pa niya.