OUTREACH PROGRAM NG M’CAÑANG PRESS CORPS NAGING MATAGUMPAY

NAGING matagumpay ang kauna-unahang outreach mission ng Malacañang Press Corps (MPC) sa Asilo De San Vicente De Paul sa Maynila nitong Huwebes ng umaga, Setyembre 28.

Katuwang ang Presidential Photojournalists Association (PPA) at Malacañang Cameramen Association (MCA), nakapag-turnover ang MPC ng P36,000 cash, 10 sacks ng 50-kg rice, at iba pang in-kind donation sa Asilo.

Maliban dito, nag-donate din ang PPA ng P11,000 cash at P2,000 halaga ng SM gift certificates mula sa isang direktor ng Presidential Communications Office (PCO).

Nagpasalamat naman si MPC president Pia Gutierrez-Dela Cruz sa lahat ng mga nakiisa sa outreach activity, kabilang ang mga miyembro ng press corps, PPA, MCA, at mga opisyal at kawani ng PCO.

“We would like to express our gratitude to all MPC members, PPA, MCA, as well as to officials and staff of the Presidential Communications Office for supporting this outreach activity,” wika ni Gutierrez. (Gilbert Perdez)