Illegal logger tiklo sa checkpoint

Arestado ang illegal logger sa checkpoint sa Purok 5, Barangay Lublub, Alfonso Castañeda, probinsya ng Nueva Vizcaya.

Nakuha mula sa suspek na si “Luis,” 62, ng Nagtipunan, Quirino ang 60 bagong-putol na narra lumber.

Nakatakas naman ang drayber at kasama ng suspek na sakay ng itim na Toyota Hi-Ace kung saan ikinarga ang mga kontrabando.

Nakarehistro ang sasakyan sa pangalan ni Oliver Pulkelero Oliva ng Shilan, La Trinidad, Benguet.

Agad na isiulat ang mga nakumpiskang hot lumber sa Community Environment and Natural Resources Office at Municipal Environment and Natural Resources Office.

Dinala naman si Luis sa Alfonso Castaneda Police Station para sa tamang disposisyon at dokumentasyon.