Brandon Ganuelas-Rosser lumipat na sa TNT

LUMIPAT na sa TNT Tropang Giga si Brandon Ganuelas-Rosser sa three-team trade.

Nagsiblang conduit ang Blackwater para matuloy ang nasabing deal.

Sa ilalim ng kasunduan ay ililipat ng NLEX si Ganuelas-Rosser sa Blacwater kapalit nina Ato Ulat, Yousef Taha at first round pick sa 51st season’s Rookie Draft.

Ipapalit naman ng Blackwater si Ganuelas-Rosser sa TNT kapalit nina Jaydee Tungcab at beteranong sentro na si Justin Chua.

Ito na ang pangatlong koponan ni Ganuelas matapos na mapili bilang first overall ng Blacwater noong 2022 Draft.

Pagkatapos ng 2022 Philippine Cup ay lumipat ito sa NLEX sa three-team trade na kapalit ni Calvin Oftana sa Tropang Giga.

Magsisimula ang PBA Philippine Cup sa Pebrero 28 sa Ynares Center sa Antipolo City.