Kontra init: Klase sa public schools sa Maynila ginawang half day

PINAIKLI ng pamahalaang lungsod ng Maynila ang mga klase sa lahat ng pampublikong paaralang nasasakupan nito para protektahan ang mga estudyante mula sa mapanganib na init.

Sa memorandum na inilabas ng Division of City Schools-Manila nitong Martes, Abril 9, itinakda ang shortened classes sa public schools mula 6:00 ng umaga hanggang 12:00 ng tanghali.

Magsisimula ito sa Abril 11 hanggang Mayo 28, 2024.

“Memorandum No. 140 s. 2024, signed by DCS Manila Chief Education Supervisor Nerissa R. Lomeda, CESE, was released in relation to the dangerous level of heat index currently experienced in the country,” saad sa Facebook post ng Manila Public Information Office. (Jocelyn Domenden)