PANG. MARCOS PINURI SA REBATE AT TOLL FEE EXEMPTION

IKINALUGOD ng Department of Agriculture (DA) ang exemption sa toll fee increase at rebate para sa mga accredited trucks na nagbibiyahe ng mga agricultural products.

Ayon kay Agriculture Secretary Francisco Tiu Laurel Jr., makikinabang dito ang mga consumer dahil magdudulot ito ng pagbaba ng presyo ng mga bilihin.

Kasabay nito, nagpasalamat naman si Laurel kay Pangulong Ferdinand Marcos Jr. at sa mga operator ng tollways sa Luzon sa pagpayag na magkaroon ng toll rebate initiative at pagbibigay ng diskwento sa mga truckers.

Katuwang naman ng DA sa inisyatibong ito ang Toll Regulatory Board (TRB), Department of Finance, DOTr, Manila Cavite Expressway, North Luzon Expressway, Subic Clark-Tarlac Expressway, Muntinlupa Cavite Expressway, at South Luzon Expressway. (Gilbert Perdez)