Brgy. officials hinimok ni Mayor Honey na dumalo sa seminar sa guidelines ng release ng social pension

HINIMOK ni Manila Mayor Honey Lacuna ang lahat ng kinauukulang barangay officials sa lungsod n dumalo sa seminar para sa guidelines ng social pension release.

Sa isang memorandum, sinabi ni Lacuna na lahat ng punong barangay at treasurers ay kailangang um-attend ng seminars na itinakda para sa nasabing layunin.

Ang nasabing seminars ay napag-alamang gagawin ng city government kasama ang Department of Social Welfare and Development-National Capital Region (DSWD-NCR).

Ayon pa kay Lacuna, tatalakayin sa seminar ang mga proseso sa release ng undertaking, cash-out, pay-out at liquidation ng social pension sa ilalim ng DSWD-NCR na sumasakop sa buwan ng January hanggang July 2024.

Ang mga sumusunod ay ang mga schedules para sa seminars: Districts 1, 2, 3 – July 11, 2024 (Thursday), 9 a.m. to 12 pm; Districts 4, 5, 6- July 11, 2024 (Thursday), 1 p.m. to 4 p.m. Parehong gagawin ang seminar sa San Andres Sports Complex sa Malate, Manila

Ang mga barangay na walang social pensioners ay hindi na kailangan na pumunta sa itinakdang seminars. (ANDI GARCIA)