Miembro ng PNP-HPG tumakas, inabandona ang motor nang huhulihin sa EDSA Busway

Nahuli ng Department of Transportation Special Action and Intelligence Committee for Transportation ang isang pasaway na rider na dumaan sa EDSA busway.

Ayon sa ahensya, nagpakilala ang lalaki bilang isang Philippine National Police -Highway Patrol Group (PNP-HPG).

Nang hinuli at pinatabi ito dahil sa iligal niyang pagdaan sa busway dahil bibigyan na ng tiket bigla na lamang itong nagmadali upang kuhanin ang susi mula sa kanyang motor.

Matapos nito, kaagad itong sumakay ng taxi at nagdahilan na may hinahabol itong hearing.

Base sa isinagawang imbestigasyon ng nasabing ahensya, nagpag-alaman na expired na ang rehistro ng lisensya nito.

Dinala sa impounding area ng Land Transportation Office (LTO) ang motorsiklo nito.