Magsasaka at alagang kalabaw, patay sa kidlat

Nasawi ang isang magsasaka at alagang kalabaw nang tamaan ng kidlat sa Cabanatuan, Nueva Ecija.

Inilahad ng asawa ng biktima na nagtungo sa bukid ang kaniyang mister upang mangolekta ng mga naani ng palay.

Ayon sa pulisya, tinamaan ng kidlat ang biktima kaya siya nahulog mula sa kaniyang kariton.

Naghahatak naman noon ng kariton ang alaga niyang kalabaw.

Nakaligtas ang isa pang magsasaka na kasama ng biktima.