Eala swak sa ITF quarterfinals

NAGWAGI si Alex Eala ng Pilipinas sa International Tennis Federation (ITF) Cary Tennis Classic sa Cary, North Carolina, United States para makapasok sa quarterfinal round Huwebes (Philippine time).

Sa women’s singles round-of-16, Pinataob ni Eala ang Russian Oksana Selekhmeteva, 7-6, 7-6, para manateli sa paghagilap ng korona.

Sa quarterfinals, makakaharap ni Eala ang mananalo sa laban sa pagitan nina Wei Sijia ng China at Renata Zarazúa ng Mexico.

Zarazúa ang dapat na naging partner ni Eala sa doubles ng 2024 Kewer Jewelers Tennis Challenge sa Landsville, Pennsylvania, na kinansela dahil sa masamang panahon.

Umangat rin ang rankings ni Eala sa Women’s Tennis Association (WTA) mula 147th to 144th, na dumikit sa kanyang career best sa 143rd.