Geraldine binuking, type si Anthony
Advertisers
Ni Archie Liao
MAY bagong artist ang Star Music na kaabang-abang at napakalakas ng dating.
Ito ay ang baguhang singer/actress na si Geraldine Jennings na pinag-uusapan ang bagong single na “If I Will Ever Love Again.”
Siya ay talent ng namayapang talent manager na si Leo Dominguez na nasa bansa at desisidong subukan ang showbiz.
Nilinaw naman niya na wala siyang kaugnayan kay Anthony Jennings na kaapelyido niya at love team partner ni Maris Racal.
Katunayan, hindi pa raw niya name-meet nang personal ang actor na tulad niya ay half Pinoy at half British.
Hirit pa niya, game rin daw siyang makatrabaho ito lalo pa’t pinasok na rin niya ang pag-arte via her launching movie na “Isla Babuyan.”
“It would be nice to be his sister or something like that. Hindi kami related but yeah, it would be nice,” sey niya.
As a singer, bata pa lang daw ay hilig na niya ang pagkanta.
“At a young age, I loved singing. My mom enrolled me in singing and guitar classes. I just loved it. I studied it in Los Angeles. And I grew to love the craft. Tito Leo (Dominguez) has been asking to do this for a while now. It’s been in the works for two years. Finally, I got the chance to do it. It’s my passion. I love the arts,” lahad niya.
Maituturing daw naman niyang big musical influence ang American pop idol na si Miley Cyrus.
“Miley Cyrus is my inspiration, musical-wise,” ani Geraldine. “I love her musical style, how she sings, how she performs, ” dugtong niya.
Sumali na rin daw siya at nanalo sa mga prestihiyosong singing contests sa UK.
“I joined a singing competition, ‘Teenstar UK’ in 2018 and reached the finals. I also won the prestigious future music award in the Open Mic singing competition in the UK and got to perform at the O2 Arena in London,” pagbabahagi niya.
Isang malaking karangalan din daw para sa kanya na ang first single niya ay sinulat ng multi-awarded singer-composer na si Ogie Alcasid.
“I’m quite honored that Ogie Alcasid wrote my first single. It’s a really beautiful, sweet love song, ” pagtatapos niya.
Bilang musical artist, gusto rin daw niyang maka-collaborate sina Sarah Geronimo at Darren Espanto.