SATSAT ANG TAPANG

Naubos ang angas ng Mamang Hukluban ng dakpin ng InterPol upang panagutin sa samu’t saring krimen hinggil sa bigong laban sa droga ng minsang humimpil sa puno ng Balite ng Malacanan. Hindi nagawang tutulan ang pagdakip na karaniwang inuusal sa harap ng mga mamamahayag ng bansa ngunit sa pagkakataong nasa harap ang alagad ng InterPol na dadampot sa Mamang Hukluban. Tila bahagi ng pelikula ang eksena kung saan ang kontrabida’y nasukol ng nagdatingan ang mga alagad ng batas na huhuli sa isang pusakal na mamamatay tao. Dahil hindi maiiwasan ang mga nagdatingang pulis tumaas ang kamay, sumuko ng ‘di madamay ang mga kasamang patay malisya sa gawang krimen sa nakaraan. O’ hayan na binawian o na-weatheran ang matikas kunong dating pangulo na sa totoo lang satsat lang ang tapang.

Hindi naramdaman ang pagiging matikas ni Totoy Osla na karaniwang bansag sa mga alkalde ng bayan na malayo sa kaMaynilaan. Karaniwan sa mga alkalde ang programa laban sa krimen subalit ang maging labis na humahantong sa paglimot sa mga karapatang pantao ang salang programa na kinokondena ng mga nakakarami higit ng pamilya na ‘di humantong sa harap ng mga hapag ng hukuman at nasentensiyahan ng kamatayan. Masakit sa puso at dala ang lungkot sa bawat oras na ititigil sa mundo ng mga kapamilya na naghahanap ng katarungan sa salang gawa sa mga biktima ng karumal dumal na krimen o pagkawala ng kapamilya na ‘di na nakita hangang sa kasalukuyan. Utasin ang utos at panagutin ang salang gawa higit ang paggamit ng iligal na gamot. Hindi mahalaga na dumaan sa proseso o maayos na mabasahan ng Karapatan sa krimen na kinahaharap ang sino man, ang katakutan ang batas na pina-iiral ng ‘di pamarisan, kuno.

Sa pag-aresto sa Mamang Hukluban, silip na binasahan ng mga Karapatan na tamang proseso na ‘di naranasan ng maraming biktima ng salang laban sa droga ng dating pamahalaan. Ang pagbasa ng mga Karapatan sa may sala ang hindi dapat isantabi ng mga pulis o sundalo na nagpapatupad ng utos mula sa hukuman. Hindi naaalis ang Karapatan ng mga hinuhuli may sala o wala at ang dapat na proseso na daanan. Walang puwang ang utos na utasin ang sino mang hinuhuli higit ang palabanin at taniman ng baril o droga ng mapabilis ang paghatol. Subalit, hindi husgado ang kapulisan o sino mang humuhuli higit ang nag-utos na itumba ang sino mang lumalaban sa tagapagpaganap ng kautusan. Higit hindi lisensiya ang pagiging abogado o juris doctor na bumabali sa doktrina ng karapatang pantao.

Sa totoo lang, natuwa ang Batingaw sa namasdan ang video klip na binabasahan si Totoy Osla ng mga Karapatan sa ilalim ng batas. Tunay na dumaan sa tamang proseso ang pagdakip sa Mamang Hukluban na muli, hindi naranasan ng maraming biktima ng EJK. Tunay ang kasabihan na kung ano ang tinanim siyang aanihin. Mapalad ang Mamang Hukluban na ipinadaan sa proseso at binasahan ng mga Karapatan kumpara sa maraming biktima na baril ang nakita bago nautas. Ang tamang proseso o hakbang na ipinamalas ng kapulisan ang kailangang ipatupad sa lahat na magaganap na hulihan sa darating na panahon. Ang mabuting hakbang sa ano mang gawain ang gawing halimbawa ng sumulong ang hustisya sa bansa na walang kinikilingan.

Sa totoo pa rin, sa panahon na nasa kamay ng pamilya ni Totoy Osla ang liderato ng bansa hindi masilipan ng kababaang loob ang kapamilya nito na ‘di tumatanggap ng kritisismo sa sino man. Ang kaalaman sa batas ang kasangkapan sa pananakot sa kalaban sa pamamahala. Walang sini- sino ang pamilya at tila mataas pa sa batas ng bansa kung umasta ang bawat kasapi ng pamilya. Sa nakaraan, labis – labis ang paggamit ng salapi ng bayan ng mga magkakapatid mula sa anak na nasa mababang kapulungan hangang sa anak na alkalde ng lunsod na pinamumunuan. Animo’y sariling pera ang hawak na walang paki sa paglustay na pasanin ng bayan. Sa pag-uusisa, silip ang pagiging arogante ng anak na kinatawan ng lunsod na pinaglilingkuran hingil sa usapin ng puslit na droga sa Aduana. Hindi nagawang ibaba ang loob sa likod na inaakusahan ng pagkaka sangkot malawakang pagpupuslit ng droga. Silip ang tapang sa pananalita na ‘di yuyuko sa sino mang kausap na nag-uusisa sa puslit na droga ng kinatawang bayan sa mataas na kapulungan. Ang masakit nais pang baligtarin ang sitwasyon at ang nag-uusisa ang inuusisa. Noon yon.

Sa totoo lang, nagpatuloy ang ugali ng mga katimugan na sila ang dapat sundin kahit wala na ito sa pwestong natanganan. Hindi naka move-on ang kaTimugan higit ang pamilyang ayaw bumitaw sa natangang kapangyarihan higit sa dulot na kasiyahan sa salaping bayan. Walang hindi kayang ipagawa sa anumang bahagi ng pamahalaan sa kabatiran ng pagiging matapang ng ama maging sa mga taong nakasuot ng uniporme. Ang masakit, pina-lambot ang maraming matikas na mga opisyal ng pulis at kasundaluhan sa pagbibigay ng langit na kaperahan masabi lang na ang matandang hukluban ang siga ng bayan. Nagpapakita ng tama ang mamang hukluban higit kung nasa harap ng kamera na mapapanood ng maraming kababayan na nalilo sa panahon na nasa kapangyarihan.

Ngunit sadyang nagbabago ang panahon, napatunayan na ‘di pangmatagalan ang nakamit na kaginhawahan sa buhay. Sa kasalukuyang panahon, ang paniningil sa gawang sala sa nakaraan ang nagpatakbo sa tigasin ng kaTimugan sa lugar na malapit sa isang kaibigan kuno, kay Onse. Subalit ang pagkakaibigan kay Onse’y nagtapos ng bumaba sa pwestong tangan ang katimugan at walang gamit sa kasalukuyan at hinaharap. Kasunod sa naputol na pagkakaibigan kay Onse, natapos rin ang panahon ng pagiging matabil ng kaTimugan, higit sa pagpasok ng galawang ICC. O’ sadyang nagsisisi sa gawang pakikipagkaibigan na ‘di maasahan sa panahon ng kagipitan.

Sa totoo lang, hindi matikas ang joker este ang hari ng kaTimugan sa pagharap sa hamon ng kontra krimen at sa droga mula ng ito’y alkalde hanggang, maging pangulo ng bansa. Ang paggamit sa mga tauhan sa panahon na siya’y puno at ‘di sariling kilos. Ang tikas sa pagsasalita’y nananatiling sa bibig ngunit hindi sa kilos. Silip ang takot sa mukha ni Totoy Osla sa panahon na nabatid ang nalalapit na pagdakip ng ICC. At dagling lumipad sa lugar ng dating kaibigan ang larawan na satsat lang ang tapang. Tunay na hungkag ang diwa, at matalas lang ang dila at sa satsat ang tapang. At sa dulo at pagkalito, hindi nasabihan ang mga kasapakat sa bigong laban sa droga at nagsarili. Ngunit, dakip ka ngayon Totoy Osla, ipakita ang tapang sa satsat sa Oblo ng mapagdiskitahan ng kapwa preso.

Maraming Salamat po!!!!