GM Antonio sasabak sa ASEAN Seniors Chess Championships sa Penang, Malaysia

NAKATAKDANG sumabak ang 13-time Philippine Open Champion Grandmaster Rogelio “Joey” Antonio Jr. sa ASEAN Seniors Chess Championships na gaganapin simula sa Hulyo 1 hanggang 11, 2025 sa Penang, Malaysia.

“I would like to thank Penang Chess Association President Atty. See Swee Sie, who is also the Vice President of the Malaysian Chess Federation, for inviting me to participate in the ASEAN Seniors Chess Championships in Penang, Malaysia, from July 1 to 11, 2025. Hoping to get some ELO rating points,” Wika ni Antonio.

“I would also like to thank Mr. Ignatius Leong for organizing the ASEAN Seniors Chess Championships and ASEAN Age Chess Championships,” Dagdag pa nya.

Ang 63-year-old Antonio ay sariwa pa mula sa runner-up honors sa Melbourne International Open Rapid Chess Championships na ginanap mula Abril 7 to 9,2025, sa Melbourne Chess Club sa Melbourne, Australia. Muling nag-alay si Antonio ng karangalan sa bansa na nagtapos fourth sa Premier Division ng 2025 O2C Doeberl Cup Chess Championships Standard competition, na ginanap mula Abril 17 hanggang 21 sa Canberra, Australia.

Imbitado rin sa ASEAN Seniors Chess Championships sina IM Jose Efren Bagamasbad, IM Angelo Young, IM Rico Mascarinas, at NM Almario Marlon Bernardino Jr. ng Pilipinas GM Cao ng Vietnam; IM Sadikin at IM Gunawan ng Indonesia; IM Chan ng Singapore; at IM Liew ng Malaysia.

Sa event itatampok ang ASEAN Seniors Standard, Rapid, at Blitz events, pati na rin ang Pre-SEA Games event ng Makruk Chess (Thai chess) at ASEAN Chess. Magkakaroon rin ng age group competition.

Nakatakda ring sumabak si Antonio sa Woman FIDE Master Sheerie Joy Lomibao Open Rapid Chess Championships sa Mayo 18, 2025, sa ground floor ng Pavilion Mall, Greenfield District sa Mandaluyong City.

Naka iskedyol rin siya sa Asian Dragons Invitational Chess Tournament simula sa Hulyo 12- 16, 2025, sa Taipei City, Taiwan.

Nakatakda ring katawanin ni Antonio ang Pilipinas sa FIDE World Seniors Chess Championships mula Oktubre 20 hanggang Nobyembre 2 2, 2025, sa Gallipoli, Puglia, Italy.