MARCY PROCLAMATION TABLADO SA 6 NA COMMISSIONER NG COMELEC EN BANC: “MAY DQ PA!”

TINABLA ng Commission on Elections (COMELEC) En Banc ang proklamasyon ni MARCELINO “MARCY” TEODORO bilang kinatawan ng unang distrito ng Marikina matapos itong manguna sa halalan nitong Mayo 2025.

Sa inilabas na kautusan (SPA No. 24-224 [DC]), iniutos ng COMELEC En Banc ang suspension of proclamation ni Teodoro dahil sa kinahaharap nitong kasong diskwalipikasyon na hindi pa nareresolba.

Ayon sa Section 11 ng COMELEC Rules of Procedure, maaaring ipatigil ang proklamasyon ng isang kandidato kung may malakas na ebidensiya ng diskwalipikasyon o kanselasyon ng kandidatura.

“Pending the Resolution of the Commission En Banc on the Consolidated Motion for Reconsideration, the Commission hereby orders the suspension of Respondent’s proclamation…” ayon sa kautusan.

Ang desisyon ay pinirmahan nina: Commissioner Socorro B. Inting, Presiding Officer Commissioner Aimee P. Ferolino Commissioner Rey E. Bulay Commissioner Nelson J. Celis Commissioner Ernesto F. Maceda Jr. Commissioner Julio O. Castros Jr.

Hindi lumahok sa deliberasyon si Chairman George Erwin M. Garcia, kaya’t may pabatid na “NO PART” sa dokumento.

Sa parehong order, inatasan din ang Election Officer ng Marikina First District na agad ihatid kay Teodoro at sa City Board of Canvassers ang kautusang ito.

“IN VIEW OF THE FOREGOING, the Commission (En Banc) hereby ORDERS the SUSPENSION OF PROCLAMATION of Respondent MARCELINO “MARCY” TEODORO… until further orders,” saad sa utos.