Obiena pangungunahan ang 28 pole vaulters sa World Athletics Championships

MAHIGIT sa 2,200 na atleta ang makikilahok sa World Athletics Championships na nakatakdang ganapin mula Setyembre 13 hanggang 21 sa National Stadium sa Tokyo, Japan.

Filipino Ernest John “EJ” Obiena, ang Asian Championships rekord- holder na (5.90m), ay kabilang sa 28 na kalahok sa men’s pole vault event.

Ang three-time Southeast Asian Games champion ay nagrehistro ng season-best 5.80 meters sa Orlen Copernicus Cup sa Poland (Pebrero), PATAFA Pole Vault Challenge (Mayo ) at Meeting Madrid sa Spain (Hulyo).

Nakaraang Linggo, ang world No. 7 Obiena ay nagbulsa ng bronze medal (5.65m) sa World Athletics Continental Tour sa Beijing, China.

Pagkatapos ng Tokyo, ang men’s pole vault final ay nakatakda sa Setyembre 15,Pamumunuan ni Obiena ang Atletang Ayala World Pole Vault Challenge sa Ayala Triangle Gardens sa Makati City sa Setyembre 20 at 21.

Ang two-day event tampok ang world No. 5 at European Championships bronze medalist Ersu Sasma ng Turkey at world No. 6 at European Indoor champion Menno Vloon ng Netherlands, parehong may season-best records na 5.92m.

Thibaut Collet ng France (No. 12), Ben Broeders ng Belgium (No. 13), Austin Miller ng USA (No. 14), Piotr Lisek ng Poland (No. 15), Oleg Zernikel ng Germany (No. 16) at Matt Ludwig ng USA (No. 23) ang komumpleto sa roster.

Ang walong atleta ay kabilang rin sa World Championships line up na pamumunuan ng world No. 1 at defending champion Armand Duplantis ng Sweden.

Nagtala siya ng bagong world record na 6.29m sa Hungarian Athletics Grand Prix sa Budapest noong nakaraang Agosto 12.

Duplantis nakatutuk sa pangalawang titulo sa Tokyo matapos makamit ang Olympic gold medal noong 2021.

Iba pang contenders ay ang world No. 2 at 2024 Paris Olympics bronze medalist Emmanouli Karalis ng Greece, world No. 3 at two-time world champion Sam Kendrics ng USA, at world No. 4 at 2023 World Athletics Championships bronze medalist Kurtis Marschall ng Australia.