BOC–NAIA, NAKASABAT NG HIGIT ₱27-M HALAGA NG ECSTASY AT SHABU SA CMEC OPERATION

On Apr 10, 2026

Advertisers

TATLONG parcel na naglalaman ng 4,395 grams ng iligal na droga na may halagang higit P27 million ang kinumpiska ng Bureau of Customs-NAIA (BOC-NAIA) sa isang interdiction operation sa Central Mail Exchange Center (CMEC) sa Pasay City.

Sa kanyang ulat kay BOC Commissioner Ariel Nepomuceno, sinabi ni BOC-NAIA District Collector Atty. Yasmin Mapa na ang unang parcel na mula Belgium at idineklara bilang “Pet Food,” ay nakitaan ng 1,978 piraso ng Ecstasy tablets na may halagang P3,362,600.

Ang ikalawang parcel na galing Malaysia at deklarado bilang “Outdoor Wall Lamps,” ay mayroon namang 2,418 grams ng shabu na nagkakahalaga ng P16,442,400, habang ang ikatlong parcel na mula United Kingdom at idineklarang “Game,” ay nakitaan naman ng 497 piraso ng ecstasy tablets na may halagang P844,900.

Ani Mapa, naibigay na sa Philippine Drug Enforcement Agency (PDEA) ang mga ebidensiya para sa laboratory examination at proper disposition.

“The said operation was reflective of Commissioner Nepomuceno’s firm directive to strengthen the bureau’s sustained campaign against the entry of illegal drugs and other prohibited goods into the country,” aniya.

“It also underscores the Bureau of Customs’ commitment to its IAM Program—Integrity, Accountability, and Modernization—through intensified intelligence gathering, strict profiling, enhanced x-ray screening and close inter-agency coordination to reinforce border protection measures and safeguard the public from transnational criminal activities,” dagdag pa ni Mapa.

Aniya, ang mga ginagawa ng BOC-NAIA ay alinsunod sa direktiba ni President Ferdinand Marcos Jr., “and the bureau remains firm in intensifying its campaign against the entry of illegal drugs and other prohibited goods into the country. ”

“BOC–NAIA continues to strengthen its vigilance at the nation’s ports of entry while upholding the Bureau’s mandate to secure the borders, facilitate lawful trade, and protect Filipino communities from harm,” pagtitiyak pa ni Mapa. (JERRY S. TAN)