Baseco Beach, kontaminado ng coliform

HINARANG ang mga maliligo sa Baseco Beach sa Manila dahil sa mataas na lebel ng fecal coliform, o bacteria mula sa dumi ng tao, sa beach.

Tanging clean-up crews mula sa Public Order and Safety Department (POSD) ng Manila ang pinapayagan sa beach.

“Hinihiwalay po namin ‘yung black seaweed doon sa mga basura na plastic,” pahayag ni DPOS Team Leader Sheryl Reyes. “Sobrang dumi po ng ating karagatan.”

Ipinagbabawal din ang paglalangoy sa Pasig River dahil sa bacterial levels.

Hindi bubuksan sa publiko ang Baseco Beach dahil sa lebel ng coliform contamination.