Bebot itinulak ng Nigerian mula 15th flr. ng condo, lasog

ARESTADO ang isang Nigerian national sa pagkamatay ng isang babaeng kanyang itinulak buhat sa high-rise building sa Muntinlupa City.

Kinilala ang nadakip na salarin na si Uchenna Christian Ezah, na pormal nang kinasuhan sa pagkamatay ng 20-anyos na si Mary Mae Garcellan.

Sa ulat ng Muntinlupa City Police, itinulak ni Ezah ang biktima mula sa 15th floor ng condominium building sa Barangay Buli ng naturang lungsod.

Inaalam pa ng pulisya ang motibo ng salarin sa nagawang krimen.