Kelot umihi sa harap ng istasyon ng pulis, nagpakita ng ari sa lady cop

ARESTADO ang isang lalaki nang umihi sa harap ng police station at magpakita ng ari sa isang babaeng pulis nitong Sabado sa Taguig City.

Sa ulat, hinuli ang 25-anyos na lalaki sa kanto ng 7th Avenue at 26th Street sa Bonifacio Global City nang ireklamo ng babaeng pulis dahil sa pag-ihi sa harap mismo ng istasyon.

Sinita at nagbabala na ang babaeng pulis na huwag na siya umihi rito pero hindi sumunod ang lalaki.

Bukod sa babaeng pulis, kita rin ng mga dumadaan sa lugar ang pag-ihi ng lalaki sa pampublikong lugar, kita sa kuha ng CCTV.

“This behavior not only violated public decency but also showed a complete disregard for authority and disrespect towards law enforcement,” ayon sa pulisya.

Nahaharap sa reklamong grave scandal and disobedience to person of authority ang lalaki, na kasalukuyang naka-detene.