Glaiza pinarangalan ng World Class Excellence Japan Awards 2024 

Ni NOEL ASINAS

PINARANGALAN si Glaiza de Castro bilang World Class Achiever Best Actress in TV Series, Seed Of Love last June 15, 2024 sa Heritage Hotel Ballroom.

Sa acceptance speech ni Glaiza, lubos siyang nagpapasalamat sa WCEJA sa pagkilala sa natatanging pagganap niya sa GMA Afternoon Prime series na Seed Of Love bilang Best Actress.

Dumating si Glaiza kasama ang kanyang mother, Cristy Galura, at father Boy Galura. Kasama rin niya ang younger brother niyang si Alchris Galura, na awardee rin bilang World Class Achiever Best Supporting Actor sa TV series Abot-Kamay Na Pangarap.

Nagbigay support din kay Glaiza ang manager niyang si Manny Vallester kasama ang GMA Entertainment anchorman na si Lhar Santiago.

Nakiisa rin kay Glaiza ang kanyang mga diehard fans para sumaksi sa pagbibigay ng award sa kanya.

***

TONY BOY DELA REA WORLD CLASS FILM PRODU OF THE YEAR

SI Tony Boy Dela Rea ay ginawaran ng award ni Emma Cordero bilang World Class Film Producer of the Year, sa Paghilom movie, mula sa World Class Excellence Japan Awards 2024 na ginanap sa Heritage Hotel Ballroom, EDSA, Pasay City kamakailan.

Kasamang dumalo ni Tony Boy ang eldest sister niyang si former PRC Commissioner Dr. Avelina Asinas Dela Rea, na co- producer ng Paghilom, under Cine Silang Productions.

Para kay Tony Boy, birthday gift sa kanya ang award. Kinilala rin siya bilang isa sa alagad ng sining sa pelikula.

Mga katulad na awardees ni Tony Boy sina Glaiza De Castro, bilang Best Actress  sa TV series, Alcris Galura ,Best Supporting Actor in a series.

May awards din sina Superstar Nora Aunor, Imelda Papin, Marilyn Dela Pena, Ara Mina, Ricky Lee, Alfred Vargas, PAO Chief Percida V. Rueda-Acosta, at iba pang mula sa business world at politics.