Kapuso Paul Salas guest sa The Voices Of Beauty Wise grand finals sa June 30

Ni NOEL ASINAS

KASADO na ang siyam na grand finalists ng The Voices Of BeautybWise na pinili ng mga hurado out of 22 semi candidates all over the Philippines.

Brainchild ang singing contest ng Beauty Wise Philippines CEO na si Iya Galo. Gaganapin ang finals sa June 30 sa Farmer’s Plaza Ground, Araneta Center, Cubao.
Inaasahang darating ang endorser ng Beauty Wise na si Paul Salas para magpasaya sa audience.
Napiling guest performer and one of the judges si Asia’s Soprano Diva Kathy Hipolito Mas. Kasama pang hurado sina coach Jerwin Necomides at si CEO Iya.

Hosted ito ng singer na si Jerome Sarabia
Lover of music si Ms. Iya, mahilig umawit at umarte. Kaya pet project niya ang The Voices Of Beauty Wise Season 1.

Layunin ng singing contest na mas lalo pang maabot ang maraming mamamayan sa tunay na message ng Beauty Wise. Sa pamamagitan ito ng kanilang beauty products na may target market na mula sa GenZ, Young Adult hanggang Seniors.