MAYOR PAHAMAK, NATIVIDAD NABUKULAN!

PAKIRAMDAM ng mga mamamayan ng Lipa City at bayan ng Padre Garcia, kapwa sa lalawigan ng Batangas, ay nagkamali sila sa pagluluklok ng kanilang mga alkaldeng sina Mayor Eric Africa at Mayora Celsa Braga-Rivera. Bigo sila sa kanilang pag-asam na masusuklian ng mga naturang alkalde ng matapat na paglilingkod ang kanilang pagtitiwala.

Paniniwala din ng kanilang mga constituents ay ipinahamak sila nina Mayor Africa at Mayora Rivera at sinira ng kanilang alkalde ang pagtitiwalang iniukol sa mga ito pagkat tuloy pa rin ang operasyon ng sindikato ng droga,sugal at iba pang kriminalidad sa nasabing siyudad at munisipalidad.

Hindi naman dapat ipagbanduhan pa ng kauupong PNP Region 4-Director, PBG Felipe Natividad ang kanyang “No take policy”, pagkat malabo rin naman itong sundin ng kanyang mga police chief lalong-lalo na nina LtCol. Antonio Rotol Jr., ng Lipa City at Padre Garcia Police Chief Capt.Eugeneo Neptali Solomon.

Kung nirerespeto at sinusunod lamang si General ng kanyang mga hepe ng kapulisan sana ay nasupil na ng mga ito ang kalakalan ng droga, sugal nina alias Kap Tisoy at alias Kap Idol sa bayan ng Padre Garcia, Lipa City, at iba pang bahagi ng Batangas.

Duda tayo na nabubukulan ng kanyang mga opisyales at intelligence officers si General Natividad.

Naging malaking isyu ang talamak na kalakalan ng shabu at STL bookies/jueteng sa Lipa City sa panahon ng administrasyon ni Ex-Mayor Meynard Sabili na siyang naging mitsa ng pagbagsak nito noong nakaraang halalan..

Tulad ng naganap noon kay Sabili, pinararatangan din ngayon na isang malapit na kamag-anakan ni Africa ang kasosyo ng mga sangkot sa sindikato ng droga at sugal sa Lipa City. Sa pakiwari ng mga taga-Lipa City ay nauulit ang kasaysayan sa kanilang lungsod na ipinakatakwil-takwil at kinamumuhian ng mga ito.

Ipinangangahas ng mga salot na illegal drug/gambling maintainers na karamihan pa ay barangay chairman ng Lipa City, ang pangalan ni meyor.

Hayag sa Lipa City ang mga pangalan nina Ka Carling ng Bulacnin, Kap Randy, Brgy. Sulok, Ex-Kap Fonti- Brgy Granja at Poblacion, Kap Gonzales- Brgy. San Benito, alias Kap Boyet ng San Lucas, Kap Lacorte- Brgy. Sto Toribio at Saint Michael; Kap August- Brgy. 8. Poblacion; alias Kap Sara ng Sampaguita, alias Ruben Sabedra- Brgy. Balintawak; Lorenz- Brgy. Poblacion 4 at Bulaclacan; Neneng Dista- Brgy Uno; Vilma Tomboy-Calle Pogi, Brgy 3, Amapola Subdivision, C.M Recto Ave., at bus stop; Liza at Linda-sa Brgy. Balintawak at Poblacion; Hadjie at Aiza- Brgy San Jose o San Jose Patay, Ex-pulis Yema- Brgy. Pangao.

Sina alias Kap Wanita at Kap. Fernan, naman ang komokontrol ng operasyon ng STL bookies/ jueteng at droga sa South at North District ng Lipa City na kumakatawan sa 34 na barangay ng Lipa City.

Kung tutuusin, mas grabe ang problemang pangkapayapaan sa bayan ng Padre Garcia sa ilalim ng administrasyon ng Lady Mayor Rivera, pagkat bukod sa talamak ang bentahan doon ng droga gamit na front ang operasyon ng Small Town Lottery (STL) bookies ay naghahari pa sa naturang munisipalidad ang sindikatong kilala sa taguring Tisoy/Idol/Flores Gun for hire at kidnap for ransom group na pinamumunuan ng isang alias Kap Tisoy at alias Kap Idol.

Baka di alam ni Mayora Rivera, sina alias Kap Tisoy at alias Kap Idol din ang nagpapakilalang bag man ng mayora gamit na kolektor sa mga ilegalista ang kanilang hitman mula sa lalawigan ng Quezon at Nueva Ecija.

Ang mga ito din ang nasa likod ng operasyon ng malaganap na nakawan ng petroleum product na kung tawagin ay buriki, paihi at patulo sa nasabing bayan. Sila rin ang nagpapatakbo ng “saklang patay” at “saklang buhay” sa Padre Garcia at sa buong 4th District ng Batangas.

Sino ang di matatakot kina alias Kap Tisoy at alias Kap Idol gayong pawang armado ng matataas na kalibreng baril na gumagala ang kanilang mga hitman, daig pa nila ang mga lehitimong miyembro ng Padre Garcia PNP sa lakas ng mga armas.

May suhestiyon tuloy ang ilang lider sibiko ng Batangas na isailalim sa superbisyon ng militar at alisin ang kontrol-superbisyon ng pulisya sa Padre Garcia local government unit (LGU).

Bukod sa lider ng sindikatong nagpapabayad para pumatay ng taong karibal sa ilegal na hanapbuhay at kalaban sa pulitika, sangkot din si alias Kap Tisoy at alias Kap Idol sa pagpapadukot at pagpapatubos ng milyong halaga ng salapi ng mga negosyanteng karamihan ay takot na magsumbong sa mga awtoridad.

Sina alias Kap Tisoy at Kap alias Idol ang may pa-jueteng din sa 18 barangay ng Padre Garcia at mga kanugnog nitong bayan. May rebisahan ang mga ito ng taya sa jueteng sa mga barangay ng Banaba, Sambat at Poblacion.

Isang pulis na alias Agharan ang nagpaparebisa naman ng taya sa jueteng sa Brgy.Maugat West, habang ang isang alias Rocafort ay may rebisahan din ng pa-juetengsa Brgy. Sambat at Banaba ng nabanggit ding bayan.

Sa Tanauan City ang mga drug/gambling maintainers ay sina alias Mayor Benir, Konsehal Angel, Ablao at Melchor ng Brgy. Darasa,Madam Bagsik ng Brgy. Janopol, Ms. Anabel ng Pantay na Matanda, Kap. Mario ng Brgy. Pantay na Bata, Jr. Biscocho ng Brgy. 7 at Putuhan, Lito ng Brgy. 7 at Putuhan at Konsehal Perez ng Poblacion.

Ang iba pang mga kapitalista ng sugal at drug maintainers sa Tanauan City ay sina Ocampo ng Brgy. Bagbag, Emil, Ramil, Aldrin , Terio, Angke at Lilian ng Brgy. Sambat, Lawin at Dona ng Brgy. Pantay na Bata at Pantay na Matanda, Rowel, Tano at Berania ng Brgy. Trapiche, Engke, Cancio, Dama at Dexter ng Brgy.Ulango.

Sa munisipalidad ng Malvar ay kontrolado nina alias Banog at Rico ang bentahan ng shabu at operasyon ng STL bookies/Jueteng sa may 15 barangay ng nasabing munisipalidad.

Sa bayan ng San Juan, ang drug pusher na nagpapatakbo din ng STL cum jueteng ay si alias Kap Nelson, sa munisipalidad ng Nasugbu ay si Willy Bokbok, sa bayan ng Taysan ay si alias Bedu, sa mga bayan ng Mataas na Kahoy at San Jose ay si alias Kap Virtucio o Vice Virtucio , Ibaan ay si Roceo at sa Batangas City ay ang magkasosyong si alias Kap Bening at alias Mayor Benir.

Hilingin natin kina PNP Director General Debold Sinas at Task Force Shield Commander at PNP Chief For Operation, LtGen. Guillermo T. Eleazar na masusing tutukan ng mga ito ang mga notoryus na kriminal sa bayan ng Padre Garcia at Lipa City at iba pang mga salot ng lipunan sa lalawigan ng Batangas. Alam natin na nakakarating sa kanilang tanggapan ang ating pitak.

Balewala sa mga ilegalistang ito ang mga hepe ng kapulisan ni PBG Natividad, katulad nina Lipa City Police Chief, LtCol. Antonio Rotol Jr., Tanauan City Police Commander ,LtCol. Victor Sobrepeña, Padre Garcia Police Chief, Capt. Eugeneo Neptali Solomon,Malvar Municipal Police Chief P/Capt. Robert Fajardo, Nasugbu Municipal Police Station commander Major Melvin M. Florida, Jr.at iba pa.

Mistulang walang ngipin at inutil naman sa kanilang hurisdiksyon sina Lipa City, Mayor Eric Africa, Tanauan City Mayor Angeline “Sweet” Halili, Padre Garcia Mayor Celsa B. Rivera, Nasugbu town Mayor, Antonio Barcelon, San Jose Mayor Bien Patron, Mataas na Kahoy Mayor Janet Magpantay-Ilagan, Malvar Mayor Cristeta C. Reyes, Ibaan Municipal Mayor Joy Salvame at iba pa. Nakikinabang din kaya sila sa mga ilgalista?

***

Para sa komento: Cp # 09293453199 at 09664066144, email: sianing52@gmail.com.