Benjamin Alves na-starstruck kay Nova Villa

Ni BKC 

HINDI mapigilang ma-starstruck ng Owe My Love lead actor na si Benjamin Alves sa veteran actress na si Ms. Nova Villa nang maka-eksena niya ito sa ginagawa nilang lock-in taping para sa upcoming rom-com series ng GMA Network.

Kuwento ni Ben sa kanyang Facebook account, natulala raw ito nang slight habang ginagawa ang kanyang first scene with Nova.

“Grabe kasama ko legend,” bigla raw niyang nasabi. “I quickly realized that I had a lapel and turned to our audio-man who nodded and smiled in approval. Starstruck ako kay Ms. Nova Villa.”

Gaganap si Nova bilang si Mama Eps, ang lola ni Lovi Poe sa serye. Si Benjamin naman ay ipo-portray ang character ng doktor na si Migs Alcancia.

Natutuwa naman ang fans nina Ben at Lovi dahil updated sila sa mga behind the scenes ng taping sa pamamagitan ng social media accounts ng kanilang mga idol.

*** 

Ina Feleo sa museum gaganapin ang nalalapit na kasal

Excited na ang ‘Bilangin ang Bituin sa Langit’ star na si Ina Feleo sa kanyang nalalapit na intimate wedding ngayong Disyembre 1 na gaganapin sa Pinto Art Museum sa Antipolo City.

Napagdesisyunan ni Ina at ng kanyang Italian boyfriend na si Giacomo Gervasutti (o James Gerva) na sa naturang museum ikasal dahil malapit lang ito sa Metro Manila at pwede silang magkaroon ng al-fresco reception bilang pag-iingat na rin sa COVID-19.

Pagkukuwento ng aktres, “Sa Pinto Museum namin gagawin kasi ito ‘yung pinaka-favorite namin na date place and we both love art. Sobrang ganda kasi talaga for us ‘yung Pinto. Feeling ko, aside from it being a museum with art pieces, the place itself is art.”

“And at the same time, open-air. Siyempre ngayon, mas maganda kung al fresco ‘di ba? And then maluwag ‘yung space so pwede talaga ‘yung social distancing, ganun,” dagdag pa niya.

Hindi naman masyadong nahirapan si Ina sa pag-aayos ng kanilang wedding dahil tumutulong dito ang kanyang inang si Direk Laurice Guillen.

Samantala, balik-telebisyon na ang Bilangin ang Bituin sa Langit simula ngayong Disyembre 7 sa GMA Afternoon Prime.

***

Ashley Ortega may bagong online business

Sumabak na rin sa pagnenegosyo ang Kapuso actress na si Ashley Ortega via her online clothing business na ‘Ashleigh Collection.’

Inanunsyo niya ito noong Sabado kasabay ang pasilip sa kanyang unang collection ng nightwear for women, “Launching my newest online business and I’m excited to share to everyone what I’ve been up to the past few months!”

Agad na inulan ng congratulatory messages mula sa fans at kapwa Kapuso stars ang kanyang Instagram post. Congratulations and good luck, Ashley!

***

Willie Revillame tutuparin ang Christmas wish ng Wowowin viewers 

Mag-a-a la Santa Claus ngayong Kapaskuhan ang Wowowin host na si Willie Revillame.

Nitong nakalipas na Martes (November 24), ibinalita ni Willie sa kanyang programa na tutuparin niya ang mga Christmas wish ng kanyang mga matatawagan sa ‘Tutok to Win’ upang mas maipadama sa ating mga kababayan ang diwa ng Pasko.

Aniya, “Magkakaroon tayo dito ng portion, ‘yung ‘Christmas Wish’ dahil [darating] itong Pasko. Tatanungin ko ‘yung wishes ninyo, baka kayang ibigay, ‘di ba? Titingnan ho natin, basta sa abot-kaya po ng programang ito. ‘Yung mga wish ninyo nitong Christmas, ipagkakaloob namin basta kaya po namin. ‘Yun namang hindi po sobra, tama lang. Basta gagawa tayo ng paraan.”

Kaya naman huwag nang magpahuli at tumutok lagi sa Wowowin, weekdays, sa GMA-7 at sa official verified social media accounts ng programa.