P4.2m giant clam shell narekober

Inaresto ng pulisya ang isang senior citizen na babae sa Iloilo dahil sa ilegal na pagmamay-ari ng mga endangered giant clam shell na nagkakahalaga ng P4.2 milyon.

Kinilala ang suspek na residente ng Brgy. Lantangan, Gigantes Island Sur sa bayan ng Carles.

Narekober ang nasa 70 na sako ng giant clam shell na tumitimbang ng nasa 2,800 kilo.

Sinabi ng pulisya na posibleng sangkot ang suspek sa iligal na pangangalakal ng giant clam shell.

Ang mga pulis ay suportado naman ng Bantay Dagat ng Carles local government unit.