Duterte pinayagan ang China pondohan pag-mayor ni Alice Guo

SA pinakahuling imbestigasyon ng Senado, kinumpirma ni Wang Fu Gui, isang mamamayang Tsino at tagapagtangkilik ni She Zhijiang, na si Guo Hua Ping alyas “Alice Guo” ay isang espiya ng Tsina, at ang kanyang paglahok sa lokal na pulitika bilang mayor ng Bamban, Tarlac ay inihanda, pinondohan ng ahensya ng intelihensiya ng Tsina.

Sa isang naitalang panayam, sinabi ni Wang Fu Gui na ang dossier ni Guo Hua Ping, o ang impormasyon ni Alice bilang espiya ng Tsina, ay kasama sa encrypted files na ipinagkatiwala sa kanya ni She Zhijiang.

Si She Zhijiang ay paksa ng isang dokumentaryo ng Al Jazeera, kungsaan inangkin niyang siya ay isang itinakwil na espiya ng Tsina na nakakaalam ng labis at kasalukuyang nakadetine sa Thailand. Ipinakita ang dokumentaryo sa nakaraang pagdinig ng House Quad Committee. Itinanggi ni Alice ang mga akusasyon, naglakas-loob na sabihin na magpa-file siya ng kaso laban sa Al Jazeera.

Ang mga pinakabagong revelations na ito ay nagpapatunay sa mga bulung-bulungan na umiikot na matagal nang si Alice ay talagang isang espiya para sa Tsina.

Nagkukunwaring Pilipino, walanghiyang tumakbo si Guo Hua Ping at nanalo sa posisyon bilang mayor ng Bamban, noong 2022.

Mas maaga sa taong ito, nagsagawa ng raid ang mga awtoridad ng gobyerno sa isang ilegal na Philippine Offshore Gaming Operator (POGO) na nag-o-operate sa Bamban, at natuklasan ang daan-daang manggagawang trafficked—kadalasang banyagang mamamayan—na namumuhay sa mga nakasusulasok na kondisyon. Nakakita rin sila ng mga ebidensyang nag-uugnay sa iba pang iligal na aktibidad, kabilang ang money laundering, drug trafficking, bribery sa imigrasyon, at investment scams.

Siyempre, nagbunsod ito ng imbestigasyon kay Guo Hua Ping, sa kanyang papel bilang incorporator ng Baofu Land Development, Inc., ang mismong compound kungsaan nag-o-operate ang POGO.

Ang imbestigasyon kay Guo Hua Ping ay nagbunga ng mga tanong tungkol sa kanyang nasyonalidad at tunay na pangalan.

Ipinakita ng mga imbestigasyon na ang mga fingerprint ni Alice Guo ay tumutugma sa isang mamamayang Tsino, si Guo Hua Ping, at walang mga tala ng kanyang kapanganakan hanggang siya ay umabot ng 17 taon gulang.

Sa mga pagdinig, matigas na iginiit ni Alice Guo na siya ay isang mamamayang Pilipino at ang tanging pangalan niya ay Alice Guo. Itinatanggi niyang siya ay si Guo Hua Ping, ngunit nang pinigilan siya na magbigay ng ebidensya ng kanyang pagkakakilanlan bilang Pilipino, sinabi niyang hindi niya matandaan. Sinabi lamang niya na siya ay ipinanganak sa isang farm ng isang amang Tsino at isang inang Pilipina, at siya ay homeschool. Gayunpaman, bukod sa mahinang salaysay na ito, wala siyang maibigay na kredibleng ebidensya upang suportahan ang kanyang mga pahayag na siya ay lumaki sa Pilipinas.

Ipinakita rin ng mga dokumento at financial records ang nakakabahalang ugnayan sa pagitan ng kanyang kumpanya, ang Baofu, at Tsina. Ang pera mula sa mga mamamayang Tsino ang nagpondo sa pagtatayo ng compound ng Baofu, na pinondohan mula sa isang joint account na pag-aari nina Hongjiang Yang at Zhengcan Yu.

Si Hongjiang Yang ay kapatid ni Michael Yang, isang dating economic adviser ni dating Pangulo Rodrigo Duterte, habang si Zhengcan Yu ay isa sa mga incorporator ng POGO.

Bilang isang puppet ng Tsina at Xi Jinping, ginamit ni Duterte ang kanyang posisyon upang palakasin ang impluwensiya ng Tsina sa Pilipinas. Ang kanyang mga patakarang pabor sa Tsina ay nagbigay-daan sa mga kahina-hinalang negosyanteng Tsino na makapasok sa bansa, at ang mga POGO ay nag-operate na may kaunting oversight. Pinahintulutan ni Duterte si Alice, isang mamayang Tsino, na tumakbo bilang mayor sa Pilipinas na may pondo mula sa Tsina. Ang malinaw at walang kapantay na paglabag na ito sa Saligang Batas ay hindi maaaring mangyari ng walang pag-apruba ni Duterte. Mismo!