PNP, NBI inaabangan pirma ng misis ni Barayuga

Hinihintay na lamang daw ng Philippine National Police (PNP) at National Bureau of Investigation (NBI) ang pirma ni Sarah Barayuga upang umusad na ang kaso ng pagpatay sa kanyang asawang si dating Philippine Charity Sweepstakes Office board secretary Wesley Barayuga.

Ito ang ibinigay na update ni PNP chief Gen. Rommel Francisco Marbil kaugnay sa Barayuga murder case.

“We’re just waiting doon sa asawa ni General Barayuga to sign ‘yung affidavit para magsimula na po ‘yung kaso,” saad niya.

Dagdag niya, lahat ng sangkot sa kaso ay kakasuhan gaya nina retired police colonels Royina Garma at Edilberto Leonardo.

Hulyo 30, 2020 nang tambangan si Barayuga, na dating police brigadier general, sa Mandaluyong City habang pauwi sa kanilang bahay.