Juday ‘waging best actress sa 38th Luna Awards

Ni ARCHIE LIAO

INANUNSYO  na ng Film Academy of the Philippines ang mga nagwagi sa ika-38 edisyon ng Luna awards.

Waging best actress si Judy Ann Santos para sa kanyang makabuluhang pagganap sa pelikulang Mindanao ni Brillante Mendoza.

Matatandaang noong nakaraang 2019 MMFF, nanalo rin si Juday sa nasabing pelikula pagkatapos ng kanyang historic win bilang best actress sa Cairo Film Festival.

Tinanghal din ang Mindanao bilang best picture at  panalo sa best director category para sa internationally acclaimed director na si Brillante Mendoza.

Nag-uwi rin ito ng techical awards para sa best cinematography, best musical scoring at best screenplay.

Ang Mindanao rin ang napiling opisyal na kalahok ng bansa sa 2020 Academy Awards para sa kategoryang best foreign language feature.

Nanalo namang best actor ang newbie na si Jansen Magpusao para sa Cinemalaya movie na John Denver Trending.

Ito ang kumpletong listahan ng mga nagwagi sa 38th Luna Awards ng Film Academy of the Philippines.

Best Picture: “Mindanao”

Best Actor: Jansen Magpusao (“John Denver Trending”)

Best Actress: Judy Ann Santos (“Mindanao”)

Best Director: Brillante Mendoza (“Mindanao”)

Best Supporting Actress: Meryll Soriano (“John Denver Trending”)

Best Supporting Actor: Soliman Cruz (“Iska”)

Best Sound Design: Nicole Amores at RJ Cantos (“Cleaners”)

Best Musical Scoring: Teresa Barrozo (“Mindanao”)

Best Editing: Marya Ignacio (“Hello, Love, Goodbye”)

Best Production Design: Alvin Francisco (“Edward”)

Best Cinematography: Odyssey Flores (“Mindanao”)

Best Screenplay: Honeylyn Joy Alipio (“Mindanao”)

Special awards:

Lamberto Avellana Memorial Award: German Moreno

FPJ Memorial Award: Nick Lizaso