P1m ecstasy nasabat sa air parcel sa Pasay

NASABAT ng Bureau of Customs (BOC) NAIA, Philippine Drug Enforcement Agency (PDEA), at NAIA Inter-Agency Drug Interdiction Task Group (NAIA-IADITG) ang 535 piraso ng ecstasy tablets na may street value na P1 million.
Natuklasan ito ng mga otoridad sa air parcel sa Central Mail Exchange Center (CMEC).
Nadiskubre ang mga tableta sa physical examination at laboratory test na ginawa ng mga otoridad sa air parcel.
Lumabas din sa imbestigasyon na ang air parcel ay mula sa The Netherlands at idineklara itong mga dokumento.
Nai-turn over na ang iligal na droga sa PDEA at inihahanda na ang mga kasong paglabag sa Comprehensive Dangerous Drugs Act of 2002 (RA No. 9165) at Customs Modernization and Tariff Act (RA No. 10863) laban sa mga indibidwal na nasa likod ng nasabing importasyon. (Gaynor Bonilla)