PAFTA gaganapin ang unang parangal sa Feb. 21 sa Manila Hotel

Ni NONIE V. NICASIO

GAGANAPIN ang unang Philippine Arts, Film & Television Awards (PAFTA) at malalaman ang mga nanalo sa larangan ng telebisyon at pelikula. Igagawad ang kanilang unang parangal sa February 21 sa Centennial Hall, Manila Hotel, 7 PM. Ang red carpet ay magsisimula sa ganap na 6PM.

Ang PAFTA ay binubuo nina Dr. Billy James Uy (Chairman of the Board), Teresita Tolentino Pambuan (President & Founder), Christina U. Aliada (Executive Vice President ), Charlemagne Arceta (Vice President), Atty. Jocelyn Reyala (Corporate Secretary), Jenalyn Aliada (Secretary), Rafy Gellang (Treasurer), Edward Ralph Santos (Auditor), Nico Lizardo (PRO).

Ang misyon ng PAFTA ay para igawad ang kahusayan, kilalanin ang individual distinction at isulong ang malikhain at kultural na buhay ng bansa sa pamamagitan ng pagdiriwang ng natatanging tagumpay sa pelikula, telebisyon, teatro, modeling at performing arts. Kinikilala rin ng PAFTA ang makabuluhang kontribusyon sa pamumuno sa kultura, serbisyo publiko at pagkakawanggawa. Pinaparangalan din ang mga indibidwal at institusyon na ang trabaho ay nagpapasigla sa mga komunidad at nagpapalakas sa bansa.

Ayon kay Ms. Teresita, “Noong araw pa, passion na namin, halos lahat kami, pati si Dr. Billy. Ang passion namin arts. Naging producer din ako eh. And, si Tina, magaling ang ano nito, very creative ang kaniyang isip. So marami siyang balak sa buhay. Tapos sabi ko, ‘Aba, magkakasundo tayo niyan.’ So yun, naisipan namin na… one day, nagkita kita kami accidentally nina Raf and Charles, nag-usap-usap kami dahil mayroon silang awarding din. Actually hindi yun yung una naming balak ni Tina, that’s not the first choice na gagawin namin. Mahilig ito sa workshop, sanay siya roon eh. Mga anak niya kasi sanay sa ganoon, lumaki sa mga workshop tsaka sa GMA before. So, naisip namin, ’ O sige, awarding sila, dun naman tayo sa part ng workshop, modelling, ganon. So, nag-start ito, kaming dalawa, tsaka yung dalawa roon.”

Wika pa niya, “After this awarding, continuous iyan. So, di lang sa awarding matatapos. Mayroon tayong theater, mayroon tayong modelling, dancing, and possible pati singing.”

Narito ang mga nagwagi sa larangan ng telebisyon.

BEST STATION-GMA 7; BEST MORNING SHOW – Unang Hirit; BEST NOONTIME SHOW – It’s Showtime; BEST NEWS PROGRAM – 24 Oras

BEST DOCUMENTARY PROGRAM- I-Witness; BEST REALITY SHOW – Pinoy Big Brother 2.0; BEST DRAMA SERIES – FPJ BATANG QUIAPO; BEST COMEDY SHOW – Bubble Gang; BEST DRAMA ANTHOLOGY – Magpakailanman; BEST VARIETY SHOW – ASAP; BEST CELEBRITY TALK SHOW – Fast Talk with Boy Abunda; BEST DRAMA ACTOR Coco Martin (Batang Quiapo); BEST DRAMA ACTRESS Carla Abellana (Widows War); BEST MALE TV HOST Dingdong Dantes (Family Feud); BEST FEMALE TV HOST Anne Curtis (It’s Showtime); AGENDA-Excellence in Business News Awards; KAPUSO MO, JESSICA SOHO Journalism Lifetime Achievement Award; PAFTA Iconic Film Performance Award – Judy Ann Santos; Breakthrough Performance Award – Maris Racal; PAFTA Youth Icon Award – Andres Muhlach; PAFTA Youth Icon Award – Kai Montinola.

Ang mga nanalo naman sa larangan ng pelikula ay sina

Best Director – Gabby Ramos (When Magic Hurts);?Best Actress – Marian Rivera and Rebecca Chuaunsu;?Best Actor – Dennis Trillo (Green Bones);?Best Supporting Actress – Gabby Padilla (Uninvited);?Best Supporting Actor – Will Ashley (Balota); Best Child Actor – Enzo Osorio; Best Child Actress – Elia Ilano; Breakthrough Performance – Euwenn Mikaell; Most Promising Star – Kian Co; Best Film – Balota; Best Screenplay – Anj Atienza and Ricky Lee; Best Cinematography -Neil Daza (Green Bones); Best Production Design – Jed Sicanggco and Jerann Ordinario (Outside); Best Editing (The Hearing); Best Visual Effects – Espantaho; Best Original Story – Her Locket; Best Sound – Narra Post Production by Sound (Balota); Best Original Theme Song – Guilty Pleasure (Luha sa Dilim by Yanco).

Congrats sa mga winner!