Ex-mayor sa Negros patay sa Covid-19

BACOLOD CITY – Pumanaw na ang dating E.B. Magalona, Negros Occidental Mayor David Albert Lacson noong Biyernes, Disyembre 3, dahil sa Covid-19.

Kinumpirma ito ng kanyang pinsan na si 3rd district Board Member Andrew Montelibano.

Pumanaw si Lacson, dati ring provincial board member, sa edad na 46 sa Riverside Medical Center Biyernes ng gabi.

Fully vaccinated si Lacson ng Sinovac vaccine.

Inalala ni Vice Governor Jeffrey Ferrer si Lacson bilang dedikadong manggagawa at public servant.

Ibinahagi ni Ferrer, noong huling pagkakataon na nagkausap sila ni Lacson, sinabi nito sa kanya na positibo siya sa Covid-19 sa isang rapid antigen test noong Nobyembre 30.

In-admit ni Lacson ang kanyang sarili sa ospital noong Disyembre 1 kahit nakararamdaman lamang siya ng flu-like symptoms. Ani Ferrer, dumanas din si Lacson sa ilang health issues bukod sa Covid-19.