Mga Kabataan sa Maynila todo-suporta sa tambalang Lopez-Raymond

Nagsama-sama ang mga kabataan ng Maynila upang ipahayag ng ‘Manifesto of Support’ para sa tambalang Lopez-Bagatsing para sa May 9, 2022 election.

Isinagawa ang nasabing pagtitipon nitong Abril 5, 2022 sa Bayleaf Intramuros, Maynila.

Kinabibilangan ng mga kabataang pinuno ng iba’t-ibang youth organization buhat sa anim na distrito ng Maynila.

Ayon sa mga naturang kabataan, naniniwala sila sa kapasidad at kakayahan ng pamumuno nina Atty. Alex Lopez at Raymond Bagatsing upang magkaroon ng peace and order, good health at para gumanda ang pamumuhay ng bawat isang Manilenyo lalo na ang mga kabataan na sinasabing ‘future leaders’ ng bansa.

Sinabi rin ng mga kabataan na naniniwala sila na sina Lopez at Raymond ang magiging pag-asa ng lungsod at magtatanggol sa karapatan at pribiliheyo ng bawat Manilenyo.

Dagdag pa ng mga kabataan na naniniwala sila na ang tamba-lang Lopez-Raymond ang epektibong magpapatupad ng kanilang mga pangarap.

Pagwawakas pa ng mga kabataan na gagawin nila ang lahat upang ipanalo sina Atty. Lopez at Raymond sa darating na halalan.