Hidilyn Diaz pangungunahan ang Philippine weightlifters sa World Championships

PANGUNGUNAHAN ni Tokyo Olympics gold medalist Hidilyn Diaz ang kampanya ng bansa sa International Weightlifting Federation World Championship na nakatakda sa December 5-16 sa Bogota, Colombia.

“Our women lifters for the World Championships in Colombia will include our golden girl Hidilyn Diaz,” Wika ni Samahang Weightlifting ng Pilipinas president Monico Puentevella.

Unang kumpetisyon ni Diaz, matapos ang kanyang golden effort nakaraang Mayo sa Hanoi Southeast Asian Games.

Ipapadala rin ng bansa ang best of the best, kabilang ang Asian champion at SEA Games gold winner Vanessa Samo,Tokyo Olympian Elreen Ando, Kristel Macrohon at Rosegie Ramos.

Kasama rin sa roster sina Lovely Inan, Nestor Colonia, John Ceniza at John Pacaldo.

Sinabi ni Puentevella na nagpadala lang sila ng dalawang kinatawan — Rose Jean Ramos at Fernando Agad — sa nagpapatuloy na Asian Championship sa Manama, Bahrain para mag focus sa Bogota tilt.

“We skipped the Asian, so we can join the World this December. The Olympics is our main goal,” sabi nya.