“Binaboy mo ang pagkababae ni Julia”–Marjorie kay Jay

On Sep 26, 2020

Advertisers

NAGPUNTA si Julia Barretto kasama ang inang si Marjorie sa Cybercrime Division ng National Bureau of Investigation (NBI) noong Biyernes ng umaga, September 25, para pormal na sampahan ng cybercrime complaint ang dating broadcaster na si Jay Sonza.

Ito ay dahil sa ipinakalat nitong maling tsismis sa Facebook page nito noong September 21, 2020 na buntis umano ang aktres, at ang ama ay ang nali-link sa kanyang si Gerald Anderson.

Nauna nang sinagot ni Julia ang post ni Jay sa kanyang Instagram account. Sabi niya ay isa lang itong fake news. Na hindi totoong buntis siya.

Sa interview ni MJ Felife kay Julia, sinabi nito ang dahilan kung bakit tinuluyan niya nang sampahan ng kaso si Jay.

Sabi niya, “Ang dami ko na ring pinagdaanan, ang dami ko na ring pinalampas lalo na sa social media, binastos na ang reputation ko, ang pangalan ko. I think I just want to show people na hindi ko na pinapalampas ‘yung mga bagay na ganito,” ani Julia.

Sobra ring nasaktan si Marjorie sa maling balita ni Jay ungkol sa kanyang anak.

Sabi ni Marjorie tungkol kay Jay “Iyong pagkairesponsable mo lang, sobra eh. Hindi ka man lang nagtanong sa mga malalapit sa buhay niya. Walang pinanggalingan ‘yung sinasabi po ninyo. Ang pagkaka-confirm pa ninyo is medyo baboy ‘yung style. Di ninyo na nirespeto ‘yung pagkababae niya at saka bata eh.”

***

LOVE HAS NO GENDER PARA KINA LANCE AT RENSHI

SINA Lance Car bilang si Makisig de Jesus at Renshi de Guzman bilang si Ronin San Pedro ang mga bida sa Boy Love (BL) series na In Between, mula sa direksyon ni Brilliant Juan. Gaya sa ibang BL series, may bromance na nabuo sa dalawa. ‘Yun nga lang ay isa itong LDR (Long Distance Relationship).

Ipinaliwanag ng dalawang gwapong bagets kung bakit nila tinanggap ang In Between.

Sabi ni Renshi, “Dati pa naman po, nu’ng mag-start ako sa showbiz, any role naman po, okey ako. Sobrang open po ako sa kahit anong role. Tapos binigay po sa akin itong In Between. Gusto ko po siyang gawin, gusto ko po siyang ma-explore. Bale first BL series ko po itong In Between. ‘It’s a new challenge and new experience po sa akin.”

Sabi naman ni Lance, “Same this po with Reshi.This is my first series po. I just wanted to test my capabilities as an actor and I just want to give justice the role. In support sa LGBT community po. ‘Yung story po namin ni Renshi talks aboiut the struggles of having same sex relationship and how you’re going to open up about it sa friends and family. It talks about that kind of struggle, lalo na po, long distance din po. Sa mundo ngayon, marami rin pong nakaka-experience ng LDR at sobrang nahihirapan po.”

Sa totoong buhay, open ba naman sila sa idea ng bromance?

“Sa akin, open po ako sa ganyan. As of now, open po ako since sa series po na ito, mas marami po kaming naiintindihan. Sa tulong po ng series, mas du’n po ako naging open. Hindi po natin alam, malay natin, posibeng si Lance,” natatawang sabi ni Renshi.

At ang reaksyon naman ni Lance sa sinabi ni Renshi, “Oo naman, ‘pag kay Renshi, malakas ‘yan sa akin, eh. Naniniwala naman po na ako na love has no gender. Malay natin!” natatawang sabi rin ni Lance.(Rommel Placente)

style="display:block" data-ad-client="ca-pub-7020468026123536" data-ad-slot="5705765747" data-ad-format="auto" data-full-width-responsive="true">