Sherilyn Reyes inako ang pagbabayad ng utang ng iba

HINDI na naiwasan ni Sherilyn Reyes na ibulgar na naloko sila sa kanyang negosyo last year nang malaking pera dahil sa basher ng kanyang anak na si Ryle Santiago.

Sinabi  ni  Sherilyn sa kanyang Instagram na mahirap ang kanilang  pinagdaanang  financial  crisis kaya nakiusap ito sa basher  ng anak na si Ryle na huwag namang pag-initan  ito.

“WALA  daw KAMING  PERA,  totoo rin! At kahit  kailan lalo na sa  mga  kakilala ko ay never  ko  ikinaila na wala akong pera ngayon. Sa kasamaang palad, na swindle  ako  last year. Masaklap  pero buong pamilya ko  ay  lumalaban araw-araw  at gumagapang para  mabayaran  ang  utang na hindi naman amin.

“Pera na itinakbo ng iba, pera na  sana ay magiging  seguridad  ng mga  anak ko sa kanilang kinabukasan. Dalangin  ko na sana  hindi mo maranasan  dahil mahirap at masakit.

“Gagawin  mong  lahat  para  masigurong  matupad  mo buwan buwan ang obligasyon mo, sa mga panahong nalulungkot  ka at naiiyak, pipilitin  mong  ngumiti  nang di  rin maging malungkot  ang pamilya  mo.

“Na  araw-araw  kulang  na  lang  isigaw  mo ang dasal mong  sana matapos  na ang problemang  hindi naman dapat  sa  `yo  pero dahil maayos  kang  tao, inaako mo at ng pamilya  mo.

“Na  araw-araw  pinagpapasalamat  mo  na  ang  asawa  mo ay nagpapakumbaba  sa  mga  tao para  makiusap dahil  kayo  ay naloko sa negosyo.” (Gerry Ocampo)