John Rendez bida na sa pelikula

Ni NONIE V. NICASIO

NAKILALA at sumikat si John Rendez bilang rapper, singer at composer. Pero ngayon ay isang mapaghamong papel ang mapapanood sa kanya at bibida sa pelikula na initial venture ng NA Entertainment na may tentative title na “Gun For Hire”.
“It’s a big challenge for me to play the lead role as Josh,” sabi ni John.
Aminado ang singer/actor na hindi naging madali para sa kanya na gampanan ang role.
“There are some scenes you have to build your emotion towards your co-actors. At first, medyo mahirap, I don’t do drama things in the past, you know. But now, I have to concentrate to my character as Josh.
“Iba’t ibang emotion ang kailangan kong ibigay in every scenes,” pakli pa niya.
Kasama sa pelikula ang mga batikang artista na sina Bembol Roco, Dexter Doria, Irma Adlawan, Beverly Salviejo at Ian De Leon.
Masaya si John dahil nakasama niya ang mga ito sa kanyang pelikula. “I am very greatful to them because they give me pointers how to react in every dramatic scenes.”
Madali naman nakapag-adjust si John sa kanyang co-actors kaya hindi nahirapan si Direk Eric Joven sa mga sumunod na mga eksenang kukunan.
All-out ang support ang binigay nina Bembol, Dexter, Irma, Beverly at Ian sa kanya. Ramdam nila may ibubuga si John as an actor dahil nakakasabay ito sa mga dramatic scene.
“As an actor, we have to grow and learned from them the right motivation in every role you portray. For me, it’s a memorable experience working with the great actors and I am very thankful,” pahayag pa niya.
Ang pelikula ay isang action/drama na may kakaibang twist. Maraming highlight ang pelikula at kargado sa action scenes.
Kasama rin sa cast sina Kenneth de Leon, Andre Soriano at Loy Oladive sa direksyon ni Eric Joven.
May special participation din ang Superstar at National Artist na si Ms. Nora Aunor sa movie.