MGA SENADOR NAGSAGAWA NG OCCULAR INSPECTION SA AIR TRAFFIC CONTROL SYSTEM SA CAAP

Nagsagawa ng inspeksyon ang mga senador sa Air Traffic Control Center ng Civil Aviation Authority of the Philippines (CAAP) sa pangunguna ni Senadora Grace Poe Chair ng Senate Committee on Public Services.

Bukod kay Senador Poe dumalo rin sa naturang inspeksyon sina Senate President Juan Miguel Zubiri, Senate Majority Leader Joel Villanueva, Senador Joseph Victor Ejercito, Senator Raffy Tulfo at Senadora Risa Hontiveros.

Dumating din si DOTR Secretary Jaime Bautista at CAAP Director General Manuel Antonio Tamayo sa naturang occular inspection.

Lumabas sa assessment ng mga senador sa naturang inspeksyon ang kapabayaan kaya pumalya ang Air Traffic Control Systems na naging sanhi ng pagka delayed ng flight ng 65,000 na pasahero.

Sa isinagawang pulong balitaan sinabi ni DOTR Secretary Bautista na matatapos ang findings ng kanilang imbestigasyon ukol sa aberya sa NAIA kabilang ang DICT , NBI , CAAP at NICA sa February 15,2023 at kanila itong isususmite sa senado.

Sinabi naman ni Poe na sakaling matanggap nila ang naturang findings ng imbestigasyon ng DOTr kanilang pag-aaralan kung magsasagawa paba ng isa pang pagdinig o magsusumite ng committee report ukol sa isinagawang imbestigasyon ng senado. (CESAR MORALES)