Barko bumangga sa Pier 2

BUMANGGA ang isang barko sa Pier 2 sa Manila North Harbor sa Maynila Lunes ng umaga.
Ayon kay Philippine Ports Authority (PPA) General Manager Jay Santiago, ang barkong nasangkot sa insidente ay ang Ocean Abundance.
Wala namang nasaktan sa insidente bagamat nasapul ang isang truck ngunit hindi naman ito nahulog sa dagat.
May kargang ang barko ng mga container van.
Ayon kay Santiago, ipasasagot sa Ocean Abundance ang pagpapagawa sa mga nasira. (Jocelyn Domenden)