Lalaki nakabisikleta patay nang sumalpok sa kotse

Patay ang isang lalaking nagbibisikleta nang bumangga sa nakaparadang kotse sa Sta. Cruz, Maynila nitong Huwebes.
Kinilala ang biktima na si Adelino Pagtama, tinatayang nasa 40-50 taong gulang.
Samantala, sumuko naman ang suspek na si Emmanuel Mateo, driver ng trailer truck na may plakang ABC-7376.
Sa ulat, binabaybay ni Pagtama ang Antipolo Street lulan ng bisikleta at kumapit ito sa kasunod nitong trak para bumilis ang takbo ala-1:00 ng hapon.
Ayon sa report, pagdating sa kanto ng Ipil St., hindi napansin ng biktima ang nakaparang kotse sa kalsada kung saan tumilapon ito na agaran niyang ikinamatay.(Andi Garcia/Jocelyn Domenden)