LTFRB: 154 provincial buses balik-biyahe na

Pinayagan na ng Land Transportation Franchising Regulatory Board( LTFRB) ang 154 provincial bus simula nitong Lunes, Nobyembre 2.
Ayon sa LTFRB ang 154 na mga bus ay makabibiyahe sa 6 na ruta patungong Region 8 at pabalik ng Metro Manila.
Kabilang sa mga binuksang ruta simula ngayong araw ay ang mga sumusunod:
1. ORMOC CITY, LEYTE – STA. ROSA INTEGRATED TERMINAL, LAGUNA
2. PALOMPON, LEYTE – STA. ROSA INTEGRATED TERMINAL, LAGUNA
3. TACLOBAN CITY, LEYTE – STA. ROSA INTEGRATED TERMINAL, LAGUNA
4. MAASIN CITY, SOUTHERN LEYTE – STA. ROSA INTEGRATED TERMINAL, LAGUNA
5. CATARMAN, NORTHERN SAMAR – STA. ROSA INTEGRATED TERMINAL, LAGUNA
6. LAOANG, NORTHERN SAMAR – STA. ROSA INTEGRATED TERMINAL, LAGUNA
Nangako ang LTFRB na walang ipatutupad na taas-pasahe para sa mga nabanggit na ruta, maliban na lang kung ipinag-utos ito ng LTFRB.
Maaaring bumiyahe ang mga roadworthy PUBs na may valid at existing Certificate of Public Convenience (CPC) o Application for Extension of Validity, at kinakailangang nakarehistro sa Personal Passenger Insurance Policy ang bawat unit.
Bilang kapalit ng Special Permit (SP), mayroong QR Code na ibibigay sa bawat operator na dapat ilagay sa short bond paper at ipaskil sa bus. (Josephine Patricio)