SINAS BAGONG PNP CHIEF

ITINALAGA ni Pangulong Rodrigo Duterte si National Capital Region Police Office (NCRPO) Chief Police Major General Debold Sinas bilang bagong hepe ng Philippine National Police (PNP).

Papalitan ni Sinas si PNP Chief Camilo Cascolan na magreretiro ngayong araw, Nobyembre 10.

Ayon kay Sec. Harry Roque, itinalaga ng Pangulong Duterte si Sinas dahil sa malaking kontribusyon nito sa war on drugs campaign ng gobyerno.

Magugunitang naging kontrobersyal si Sinas dahil sa kanyang Mañanita Party noong kasagsagan ng enhanced community quarantine.

Si Sinas ay dating director ng Central Visayas Regional Police Office sa Cebu City bago itinalagang NCRPO Chief. (Gaynor Bonilla/Vanz Fernandez/Jonah Mallari)