Lalaki nag-aayos ng yero, patay sa live wire

NASAWI ang 24-anyos na lalaki nang mahawakan ang live wire habang nag-aayos ng yero ng kanilang bahay sa Binalonan, Pangasinan.
Kinilala ang biktima na si Jonell Fernandez, taga-Barangay Bued.
Inilahad ni Edelberto Fernandez, ama ng biktima, na inaayos ng kaniyang anak ang sirang yero ng kanilang bahay nang aksidente nitong mahawakan ang isang live wire na nakasabit sa sampayan.
Naisugod pa sa ospital si Fernandez pero binawian din ng buhay.(PFT team)