Trike driver pinatay ng 4

PATAY ang isang tricycle driver nang pagbabarilin habang namamasada sa Caloocan City.
Kinilala ang biktima na si Raymund Magculang, 36, ng Lot 8, Block 76, Paulino Compound, Barangay 174, Camarin, Caloocan City.
Ayon sa ulat, 5:00 ng hapon nitong Biyernes lulan ang biktima sa kanyang ipinapasadang tricycle sa Phase 5Y, Package 5, Brgy. 176, Bagong Silang, nang hintuan ng apat na salarin.
Ayon sa saksi na hindi na pinangalanan, nakita niya ang angkas ng isa sa mga motorsiklo na nakasuot ng itim na jacket at face mask na bumunot ng baril at paulit-ulit na pinaputukan ang biktima na agad namatay.
Blangko pa ang pulisya sa kung sino ang mga salarin at ano ang motibo.