Lider ng NPA, huli sa Pampanga

Arestado ang hinihinalang lider ng komunistang New People’s Army (NPA) sa Central Luzon sa pamamagitan ng pinagsamang operasyon ng militar at pulis sa bayan ng Mexico, sa Pampanga.
Ayon sa Philippine National Police (PNP), na nahuli si Jose Esperila Bernardino sa Barangay Sapang Maisac.
Sa ulat, ikinasa ang operasyon sa bisa ng arrest warrant na inihain ng Bayombong Nueva Vizcaya para sa kasong rebelyon.
Ibinahagi naman ni Criminal Investigation and Detection Group (CIDG) director Police Major General Joel Napoleon Coronel na nagsisilbi si Bernardino bilang regional white area committee secretary ng Central Luzon Regional Communist Party Committee, bukod sa pamumuno nito sa NPA sa rehiyon.