Brgy. Konsehal binaril at tinaga sa loob ng bahay

PATAY ang isang barangay councilor nang barilin at tagain sa loob ng bahay nito sa Barangay Can-oling, Dagohoy town, Bohol.
Kinilala ang biktima na si Silvestre Bañados, 46, residente ng naturang lugar.
Ayon sa ulat, naka-upo lang ang biktima kasama ang anak sa loob ng kanilang bahay at naglaro ng cellphone nang biglang pumasok ang dalawang lalaki na nakasuot ng maskara at binaril ito ng isa habang tinaga naman ng isa pa.
Patuloy pa ang imbestigasyon ng pulisya sa insidente.